Enter Title

የልደት ምዝገባ
  • ልደትን ለማስመዝገብ አስመዝጋቢው የአስተዳደር ጽህፈት ቤቱ መገኘት አለበት፡፡
  •  ልደት ለማስመዝገብ የህፃኑ ወላጆች መኖር አለባቸው፡፡

                   የልደት አስመዝጋቢዎች :-

  • የህፃኑ ወላጆች በህይወት ካሉ አባት እና እናት ሁለቱ
  • ከሁለቱ አንዱ በህይወት የሌሉ እንደሆነ በህይወት ያለው እናት ከሆንች እናት አባት ከሆነ አባት
  • ሁለቱም ወላጆች በህይወት የሌሉ ከሆነ የህፃኑ አሳዳሪ ወይም ህፃኑን በመንከባከብ ላይ ያለ አካ
  • ተጥሎ የተገኘ ህፃን ከሆነ ፓሊስ ወይም አግባብነት ያለው አካል ይሆናሉ፡፡

        ለአገልግሎቱ የሚያስፈልጉ መረጃዎች

  • አስመዝጋቢው ጊዜው ያላለፈበት የነዋሪነት/ብሄራዊ መታወቂያ ወይም ፓስፖርት ወይም ትውልደ ኢትዮጵያዊ የሆነ ውጭ ዜግነት መታወቂያ ማቅረብ አለበት፡፡
  • ልደቱ የተከሰተው በጤና ተቋም ከሆነ አስመዝጋቢው ከጤና ተቋም የተሰጠውን የልደት ማሳወቂያ ምስክር ወረቀት ማቅረብ አለበት፡፡
  • የህጻኑ አሳዳሪ ወይም ሕጋዊ ሞግዚት ልደቱን ለማስመዝገብ ሲቀርብ ከፍርድ ቤት የተሰጠ ሕጋዊ ማስረጃ ማቅረብ አለባቸው፡፡
  • ተጥሎ የተገኘ ህፃንን ለማስመዝገብ የሚመጣ ፖሊስ ወይም አግባብ ያለው የመንግስት አካል ማንነቱን የሚገልጽ ሕጋዊ መታወቂያ ወይም ማስረጃ ማቅረብ አለበት፡፡
  • ዘግይተውና የምዝገባ ጊዜውን አሳልፈው ለሚቀርቡ ተመዝጋቢዎች በእስር ወይም በህመም ወይም በመሳሰሉት የቆዩ ከሆነ ከሚመለከተው አካል ማስረጃ ማቅረብ አለባቸው፡፡
  • ከውጭ አገር ወደ ኢትዮጵያ የገቡ የኩነት ምዝገባ ደጋፊ ሰነዶች በኢትዮጵያ ኤምባሲና ቆንሲላ ጽሕፈት ቤቶች ካልተረጋገጡ ተቀባይነት አይኖራቸውም፡፡
  • በኢትዮጵያ ኤምባሲዎችና ቆንስላ ጽሕፈት ቤቶች እንዲሁም በኢትዮጵያ በሚገኙ የውጭ አገር ኤምባሲዎችና ቆንስላ ጽሕፈት የተረጋገጡ ኩነት ለማስመዝገብ ደጋፊ ሰነዶች በውጭ ጉዳይ ሚኒስተር ካልተረጋገጡ ተቀባይነት የላቸውም፡፡